-
རྩོད་དཔོན་ཡོངས་ཁྱབ་ ལུང་བསྟན་གྲུབ་འགྱུར།
ད་ལྟོ་གོ་གནས་འཆང་སྟེ་ཡོད་མི་ རྩོད་དཔོན་ཡོངས་ཁྱབ་བཞི་པ། ༢༠༢༠ དྲགོས་ལུང་བསྟན་གྲུབ་འགྱུར་འདི་ པདྨ་དགའ་ཚལ་རྫོང་ཁག་ལས་ཨིན་རུང་ ཁོ་རང་ སྤྱི་ལོ་༡༩༦༩ སྤྱི་ཟླ་༥ པའི་སྤྱི་ཚེས་༢༤ འི་ཚེ་ ས་གནས་ཐིམ་ཕུག་ ལུང་བསྟན་ཕུག་ལུ་སྦེ་ སྐུ་འཁྲུངས་ནུག དྲགོས་ཀྱིས་ བཀང་ལུང་ཤེས་རབ་རྩེ་མཐོ་རིམ་སློབ་གྲྭ་ནང་ལས་ དཔལ་འབྱོར་གྱི་ཆོས་ཚན་ནང་ མཐོ་རིམ་ཤེས་ཚད་མཐར་འཁྱོལ་བའི་ཤུལ་ རྒྱ་གར་ མམ་བའི་ལུ་ཡོད་པའི་ཁྲིམས་ཀྱི་གཙུག་ལག་སློབ་གྲྭ་ནང་ལས་ ཁྲིམས་ཀྱི་མཐོ་རིམ་ཤེས་ཚད་མཐར་འཁྱོལ་ནུག། དེ་གིས་མ་དོ་བར་ དྲགོས་ཀྱིས་ ཡུ་ཀེ་ལུ་ཡོད་པའི་ཨི་ཌིན་བརག་ཁྲིམས་ཀྱི་གཙུག་ལག་སློབ་གྲྭ་ནང་ལས་ཡང་ བརྡ་དོན་འཕྲུལ་རིག་དང་ བློ་རིག་རྒྱུ་དངོས་ཀྱི་ཁྲིམས་ དེ་ལས་ གསོ་བའི་ཁྲིམས་གཞིའི་རིག་པ་དང་ མི་དམངས་རྒྱལ་སྤྱིའི་ཁྲིམས་ནང་ལུ་ གཙུག་ལག་གོང་མའི་ཤེས་ཚད་མཐར་འཁྱོལ་ནུག། སྤྱི་ལོ་༡༩༩༥ ལུ་ དྲགོས་ཀྱིས་ དྲང་ཁྲིམས་ལྷན་སྡེ་ནང་འཛུལ་ཞུགས་འབད་ཡོདཔ་དང་ དེ་བསྒང་ ཁོ་རང་ རྒྱལ་ཡོངས་ཁྲིམས་ནང་ མཐོ་རིམ་རྗེས་མའི་ཤེས་ཡོན་སྦྱང་ནིའི་དོན་ལུ་ ཁྲིམས་ཀྱི་མཁས་རིག་སྡེ་ཚན་དང་པའི་གྲས་ཁར་ཚུད་མི་ མི་ངོ་ཅིག་ཨིན། དྲགོས་ཀྱིས་ རྩོད་དཔོན་ཡོངས་ཁྱབ་ཀྱི་གོ་གནས་ལུ་ བསྐོ་བཞག་མ་གནང་བའི་ཧེ་མ་ ཆེ་མཐོ་ཁྲིམས་ཀྱི་འདུན་ས་ལུ་ དྲང་དཔོན་སྦེ་ ཕྱག་ཕྱིད་ཞུ་སྟེ་ ལོ་ངོ་༡༠ འགྱོ་བའི་ཤུལ་ལུ་ འབྲུག་གི་རྩ་ཁྲིམས་ཆེན་མོའི་རྩ་ཚན་༢༡ (༡༣) པའི་དགོངས་དོན་དང་འཁྲིལ་ཏེ་དགོངས་ཞུ་འབད་ནུག། གཞུང་གཡོག་ནང་ཕྱག་ཕྱིད་ཞུ་ཡོད་པའི་ཐོཿ ༡༽ སྤྱི་ཚེས་༡/༢/༡༩༩༥ ལས་ སྤྱི་ཚེས་༢༢/༢/༡༩༩༦ […]
-
རྩོད་དཔོན་ཡོངས་ཁྱབ་ཀྱི་ཐོ།
ལུང་བསྟན་གྲུབ་འགྱུར།རྩོད་དཔོན་ཡོངས་ཁྱབ།སྤྱི་ལོ་༢༠༢༠སྤྱི་ཟླ་༧པའི་སྤྱི་ཚེས་༢༠ – ༼ད་ལྟོའི་གོ་གནས་འཆང་མི་༽ ཤེས་ར་ལྷུན་གྲུབ།རྩོད་དཔོན་ཡོངས་ཁྱབ།སྤྱི་ལོ་༢༠༡༥སྤྱི་ཟླ་༥པའི་སྤྱི་ཚེས་༢༢ – སྤྱི་ལོ་༢༠༢༠སྤྱི་ཟླ་༥པའི་སྤྱི་ཚེས་༢༢། ཕུན་ཚོགས་དབང་འདུས།རྩོད་དཔོན་ཡོངས་ཁྱབ།སྤྱི་ལོ་༢༠༡༠སྤྱི་ཟླ་༣པའི་སྤྱི་ཚེས་༡༡ – སྤྱི་ལོ་༢༠༡༥སྤྱི་ཟླ་༥པའི་སྤྱི་ཚེས་༢༢ཚུན། རིག་འཛིན་དཔལ་འབྱོར།རྩོད་དཔོན་ཡོངས་ཁྱབ།སྤྱི་ལོ་༢༠༠༨སྤྱི་ཟླ་༧པའི་སྤྱི་ཚེས་ – སྤྱི་ལོ་༢༠༡༠སྤྱི་ཟླ་༥པའི་སྤྱི་ཚེས་༡༤ཚུན། དམ་ཆོས་རྡོ་རྗེ།རྩོད་དཔོན་ཡོངས་ཁྱབ།སྤྱི་ལོ་༢༠༠༦སྤྱི་ཟླ་༤པའི་སྤྱི་ཚེས་༢༦ – སྤྱི་ལོ་༢༠༠༧སྤྱི་ཟླ་༨པའི་སྤྱི་ཚེས་༢༢ཚུན། ཀུན་ལེགས་ཚེ་རིང་།མདོ་ཆེན།སྤྱི་ལོ་༢༠༠༡སྤྱི་ཟླ་༩པའི་སྤྱི་ཚེས་༧ – སྤྱི་ལོ་༢༠༠༦སྤྱི་ཟླ་༣པའི་སྤྱི་ཚེས་༦ཚུན། བཀྲིས་ཕུན་ཚོགས།ཡོངས་ཁྱབ་མདོ་ཆེན།སྤྱི་ལོ་༢༠༠༠སྤྱི་ཟླ་༡པའི་སྤྱི་ཚེས་༡ – སྤྱི་ལོ་༢༠༠༡སྤྱི་ཟླ་༩པའི་སྤྱི་ཚེས་༧ཚུན།